جۇڭگو قاشاندا بەيبىت دامۋ جولىمەن جۇرەدى. بۇل جۇڭگو ۇكىمەتى مەن حالقىنىڭ ءداۋىر دامۋىنىڭ اعىمى مەن ءوزىنىڭ ءتۇبىرلى مۇددەسىنە قاراي جاساعان ستراتەگيالىق تالعامى. جۇڭحۋا ۇلتى بەيبىتشىلىكتى قىزۋ سۇيەتىن ۇلت، جۇڭگو قاشاندا دۇنيە ءجۇزى بەيبىتشىلىگىن قۇرۋداعى بەرىك كۇش. ءبىز جۇڭگو حالقىنىڭ مۇددەسىن ءار ەل حالقىنىڭ ورتاق مۇددەسىمەن ۇشتاستىرۋعا تاباندى بولىپ، اقيقاتتا بەرىك تۇرىپ، ادىلەتتىكتى دارىپتەيمىز، ءبىز مەملەكەتتەردى ۇلكەن-كىشى، ءالدى-ءالسىز، باي-كەدەي دەپ بولمەي تەڭ مەمىلە جاساۋعا تاباندى بولىپ، ءار ەل حالقىنىڭ دامۋ جولىن وزدەرى تاڭداۋ ۇقىعىنا قۇرمەت ەتىپ، باسقا ەلدەردىڭ ىشكى ىستەرىنە ارالاسپايمىز، ءوزىمىزدىڭ وي-ەركىمىزدى باسقالارعا زورلاپ تاڭبايمىز. جۇڭگو حالىقارالىق داۋ-شارلار مەن كوكەي تەستى ماسەلەلەردى بەيبىت جولمەن شەشۋگە كۇش سالىپ، حالىقارا مەن وڭىرلەردىڭ حاۋىپسىزدىگى مەن سەلبەستىگىن جەبەپ، بارلىق فورماداعى تەرورشىلدىققا قارسى تۇرادى. جۇڭگو قورعانۋ سيپاتىندىق قورعانىس ساياساتىن جۇرگىزىپ، سوعىستىق باسەكەسىمەن شۇعىلدانبايدى، ءار قانداي مەملەكەتكە سوعىس حاۋىپىن تۋدىرمايدى. جۇڭگو ءتۇرلى فورماداعى زورەكەرەلىك پەن وكتەمدىك ساياسيعا قارسى تۇرادى، ماڭگى زورەكەر بولمايدى، ماڭگى ىرگە كەڭەيتپەيدى.
جۇڭگو قاشاندا ءوزارا تيىمدىلىك جەتكىزۋ، ورتاق بگىلىكتەنۋ سىندى اشىق ستراتەگيانى جولعا قويادى. ءبىز جالعاستى تۇردە ءوزىمىزدىڭ دامۋىمىز ارقىلى وڭىرلەر مەن دۇنيە جۇزىنىڭ ورتاق دامۋىن جەبەپ، ءار قايسى جاقتاردىڭ مۇددەلەرىنىڭ توعىسار ءتۇيىنىن كەڭەيتىپ، ءوز دامۋىمىزدى جۇزەگە اسىرۋمەن بىرگە، قارسى جاعىمىزعا تەڭ ءمان بەرەمىز، اسىرەسە، دامۋ ۇستىندەگى ەلدەرگە ورىندى كومەگىمىزدى بەرەمىز. ءبىز جالعاستى تۇردە حالىقاراداعى داعدىلى ەكونوميكا - ساۋدا ەرەجەلەرى بويىنشا، بازارعا كىرۋگە رۇقسات ەتۋ كولەمىن كەڭەيتىپ، ىستەستىك جاساۋشىلاردىڭ ۇقىق-مۇددەسىن زاڭ بويىنشا قورعايمىز، ءبىز حالىقارالىق قوعامنىڭ دامۋ ۇستىندەگى ەلدەردىڭ دەربەس دامۋ قۋاتىن كۇشەيتۋىنە، حالىق تۇرمسىىن جاقسارتۋىنا، وڭتۇستىك پەن سولتۇستىكتىڭ پارقىن ازايتۋعا كومەكتەسۋىن قولدايمىز. ءبىز حالىقارالى ق ساۋدا مەن فينانىس ءتۇزىلسىن كەمەلدەندىرۋدى قولداپ، ساۋدا مەن قارجىلاندىرۋدىڭ ەركىن، قولايلى بولۋىن جەبەپ، ەكونوميكا مەن ساۋداداعى قاقتىعىستاردى كەڭەسۋ، سەلبەسۋ ارقىلى ۇيلەسىمدى شەشەمىز. جۇڭگو باسقالارعا زيان جەتكىزىپ، ءوزى پايدا تاباتىن، كورشىسىن زارلاتاتىن ىستەردى استە ىستەمەيدى.
جۇڭگو بەيبىت قاتار تۇرۋ بەس پىرينسىبى نەگىزىندە بارلىق ەلدەرمەن دوستىق ىستەستىگىن دامىتۋعا تاباندى بولادى. ءبىز دامۋ ۇستىندەگى ەلدەرمەن ستراتەگيالىق جاقتان تىلدەسۋدى جالعاستى كۇشەيتىپ، ءوزارا سەنىمدىلىكتى ارتتىرىپ، ىستەستىكتى تەرەڭدەتىپ، الاۋىزدىقتاردى ۇيلەسىمدى شەشىپ، ءوزارا قاتىناستىڭ ۇزاق ۋاقىت ورنىقتى، اقاۋسىز دامۋىن ىلگەرىلەتەمىز. ءبىز كورشى ەلدەرمەن ارىپتەستىك ديپلوماتيالىق باعىتتى جالعاستى دايەكتىلەندىرپ، توڭىرەگىمىزدەگى ەلدەرمەن بولعان تاتۋلىقتى، دوستىقتى جانە شىنايى ىستەستىكتى كۇشەيتىپ، وڭىرلىك ىستەستىكتى بەلسەنە ەتەك الدىرىپ، بىرلىكتە بەيبىت، ورنىقتى، تەڭ، ءوزارا سەنىمدى، ىستەستىكتى، ورتاق يگىلىكتى وڭىرلىك ورتا جاراتامىز. ءبىز دامۋ ۇستىندەگى ەلدەرمەن بولعان ىنتىماقتى، ىستەستىكتى جالعاستى كۇشەيتىپ، ءداستۇرلى دوستىقتى تەرەڭدەتىپ، شىنايى ىستەستىكتى كەڭەيتىپ، قولىمىزدان كەلگەنشە كومەكتەسىپ، دامۋ ۇستىندەگى ەلدەردىڭ ورىندى تالاپتارى مەن ورتاق مۇددەلەرىن قورعايمىز. ءبىز كوپ جاقتى ىستەرگە جالعاستى بەلسەنە قاتىناسىپ، سايكەستى حالىقارالىق بورىشتارىمىزدى ۇستىمىزگە الىپ، بەلسەندى رولىمىزدى ساۋلەلەندىرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن جەبەيمىز. ءبىز ءار قايسى ەلدەردىڭ ساياسي پارتيالارىمەن جانە ساياسي ۇيىمدارىمەن بولعان اۋىس - كۇيىسىمىزدى، ىستەستىگىمىزدى جالعاستى ەتەك الدىرىپ، حالىق قۇرىلتايىنىڭ، ساياسي كەڭەستىڭ، ارميانىڭ، جەرگىلىكتى ورىنداردىڭ، حالىقتىق ۇيىمداردىڭ شەتەلدەرمەن بولعان بارىس - كەلىسىن كۇشەيتىپ، جۇڭگو حالقىنىڭ ءار ەل حالقىمەن ءوزارا ءتۇسىنىسۋى مەن دوستىعىن ىلگەرىلەتەمىز. جۇڭگونىڭ دامۋى دۇنيەدەن قول ۇزە المايدى، دۇنيەنىڭ گۇلدەنىپ-كوركەيۋى مەن ورنىقتىلىعى دا جۇڭگودان قول ۇزە المايدى. جۇڭگو حالقى ءارقايسى ەل حالىقتارىمەن بىرگە، ادامزاتتىڭ تاماشا ارمانىن جۇزەگە اسىرۋ جولىندا تالىقپاي قۇلشىنا بەرەدى.
12.پارتيا قۇرىلىسىنىڭ جاڭا دا ۇلى يەنجەنەرياسىن رەفورما، جاڭالىق جاراتۋ رۋحىمەن جالپى بەتتىك ىلگەرىلەتۋ
جۇڭگوشا سوتسياليزىم ىستەرى ＿ رەفورما، جاڭالىق جاراتۋ ىستەرى. پارتيا ءداۋىردىڭ الدىڭعى لەگىندە تۇرىپ، حالىققا باسشىلىق ەتىپ، ىستەرىمىزدىڭ دامۋىندا جالعاستى جاڭا جاعداي جاراتۋ ءۇشىن، وزىندىك قۇرىلىسن رەفورما، جاڭالىق جاراتۋ رۋحىمەن كۇشەيتۋى، قاشاندا جۇڭگوشا سوتسياليزىم ىستەرىنىڭ قۇدرەتتى باسشىلىق ۇيتقىسى بولۋ كەرەك.
پارتيامىزدىڭ قۇرىلعانىنا 86 جىل، بۇكىل ەلىمىزدە بيلىك جۇرگىزگەنىنە 58 جىل، 70 ميلليوننان استام مۇشەسى بار، سوندىقتان پارتيانىڭ تاربيەلەۋ جانە باسقارۋ مىندەتى وتكەندەگى ءارقانداي كەزدەگىدەن اۋىر بولىپ وتىر. پارتيا باسشىلىق ەتكەن رەفورمالاۋ مەن ەسىك اشۋ پارتيامىزعا اسا زور ومىرشەڭدىك قۋات بەرۋ مەن قاتار، پارتيانى كەزدەسپەگەن جاڭا تاقىرىپتار مەن جاڭا سىندارعا دۋشار ەتتى. دۇنيە جاعدايىنىڭ، مەملەكەت جاعدايىنىڭ، پارتيا جاعدايىنىڭ دامۋىنداعى وزگەرىستەر پارتيا قۇرىلىسن رەفورما، جاڭالىق جاراتۋ رۋحىمەن كۇشەيتۋدىڭ توتەنشە ماڭىزدى ءارى توتەنشە شۇعىل ەكەنىن بەلگىلەپ وتىر. پارتيانىڭ بيلىك جۇرگىزۋ قابىلەتى قۇرىلىسى مەن العا باسارلىق قۇرىلىسن نەگىزگى جەلى ەتىپ، پارتيا پارتيانى باسقارۋعا، پارتيانى قاتاڭ باسقارۋعا تاباندى بولىپ، حالىقشىلدىق، ىسكەرىلىك، پاكتىك تالابىن دايەكتىلەندىرىپ، بەرىك مۇرات، سەنىمدى ءتۇيىن ەتىپ، يدەيالىق قۇرىلىسن كۇشەيتىپ، جوعارى ساپالى پارتيا مۇشەلەرىن، كادرلار قوسىنىن ازىرلەۋدى ءتۇيىن ەتىپ، ۇيىمدىق قۇرىلىستى كۇشەيتىپ، پارتيانىڭ حالىق جۇرتشىلىعىمەن بولعان ەتەنە بايلانىسىن ساقتاۋدى ءتۇيىن ەتىپ، ستيىل قۇرىلىسن كۇشەيتىپ، دەموكراتيالىق ورتالىقتاندىرۋ ءتۇزىمىن كەمەلدەندىرۋدى ءتۇيىن ەتىپ، ءتۇزىم قۇرىلىسىن كۇشەيتىپ، ءىرىپ - شىرىگەندەردى جازالاۋ جانە وندان ساقتانۋ جۇيەسىن كەمەلدەندىرۋدى ءتۇيىن ەتىپ، ءىرىپ - شىرۋگە قارسى تۇرىپ، پاكتىكتى دارىپتەۋ قۇرىلىسىن كۇشەيتىپ، پارتيانى قاشاندا جالپى ءۇشىن قۇراتىن، حالىق ءۇشىن بيلىك جۇرگىزەتىن، شىنشىل، ىسكەر، رەفورمادا جاڭالىق جاراتاتىن، قاجىرلىقپەن كۇرەسەتىن، ادل، پاك، ومىرشەڭدىك كۇشكە باي، ىنتىماقتى، جاراسىمدى ماركىستىك بيلىك باسىنداعى پارتياعا اينالدىرۋ كەرەك.
1) جۇڭگوشا سوتسياليزىم نازارياسى جۇيەسىن ىشكەرىلەي ۇيرەنىپ، دايەكتىلەندىرىپ، بۇكىل پارتيانى ماركىسيزىمنىڭ جۇڭگوشالانعان ەڭ تىڭ جەتىستىكتەرىمەن قارۋلاندىرۋعا كۇش سالۋ. يدەيالىق - نازاريالىق قۇرىلىس ＿ پارتيانىڭءتۇبىرلى قۇرىلىسى. پارتيانىڭ نازاريالىق جاقتان جارتقان جاڭالعى بارلىق سالادا جاڭالىق جارتۋعا باستاماشى بولادى. ۇيرەنۋگە بەيىم ساياسي پارتيا قۇرۋ تالابى بويىنشا، رەفورمالاۋدىڭ ەسىك اشۋدىڭ جانە وسىزاماندانۋ قۇرىلىسىنىڭ جاندى امالياتىنا تىعىز ۇشتاستىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن جانە ‹‹ ۇشكە ۋاكىلدىك ەتۋ›› ماڭىزدى يدەياسىن ىشكەرىلەي ۇيرەنىپ، بۇكىل پارتيادا عىلىمي دامۋ كوزقاراسىن ۇيرەنۋ، املياتتان وتكىزۋ قيمىلىن ىشكەرىلەي ەتەك الدىرىپ، وبيەكتيۆ دۇنيە مەن سوبيەكتيۆ دۇنيەنى وزگەرتۋگە دامىپ وتىرعان ماركزيزىم ارقىلى جەتەكشىلىك ەتۋگە تاباندى بولىپ، كوممۇنيستىك پارتيانىڭ بيلىك جۇرگىزۋ زاڭدىلىعىن، سوتسياليستىك قۇرىلىس زاڭدىلىعىن، ادامزات قوعامىنىڭ دامۋ زاڭىندىلىعىن ونان ارى يگەرىپ، ءىس جۇزىندىك ماسەلەلەردى عىلىمي نازاريانى قولدانا وتىرىپ تالداۋ جانە شەشۋ قابىلەتىن جوعارىلاتۋ كەرەك. پارتيا مۇشەلەرى مەن كادرلار جونىندەگى مۇرات، سەنىم تاربيەسى مەن يدەيالىق – ءمورال قۇرىلىسى تاربيەسىن كۇشەيتىپ، قالىڭ پارتيا مۇشەلەرى مەن كادرلاردىڭ سوتسياليستىك وزەكتى قۇن جۇيەسىن املياتتان وتكىزۋدىڭ ۇلگلەرى بولۋىنا مۇكىندىك جاراتىپ، كوممۇنيستىك ۇلى مۇرات پەن جۇڭگوشا سوتسياليزىم ورتاق مۇراتىنا بەرىك سەنۋشىلەرگە، عىلىمي دامۋ كوزقاراسىنا ادال اتقارۋشىلارعا سوتسياليستىك داڭىق – نامىس كوزقارسىن سانالى جۇزەگە اسىرۋشىلارعا، قوعام جاراسىمدىلىعىن بەلسەنە ىلگەرىلەتۋشىلەرگە اينالدىرۋ كەرەك.
2)پارتيانىڭ بيلىك جۇرگىزۋ قابىلەتى قۇرىلىسىن ۇزدىكسىز كۇشەيتىپ، جوعارى ساپالى باسشىلىق القاسىن قۇرۋعا كۇش سالۋ. پارتيانىڭ بيلىك جۇرگىزۋ قابىلەت قۇرلىسى پارتيا قۇرىلىسى مەن جۇڭگوشا سوتسياليزىم ىستەرىنىڭ جالپى جاعدايىنا قاتىستى. سوندىقتان، باسشىلىق ورەسى مەن بيلىك جۇرگىزۋ قابىلەتى جوعارىلاتۋدى ءار دارەجەلى باسشىلىق القالارى قۇرىلىسىنىڭ وزەكتى مازمۇنى رەتىندە مىقتى، ويداعىداي يگەرۋ كەرەك. بيلىكتى عىلىمي، دەموكراتيالى، زاڭدىق جولمەن جۇرگىزۋ تالابى بويىنشا، باسشىلىق القالارىنىڭ يدەيالىق ستيلىن جاقسارتىپ، باسشى كادرلاردىڭ بيلىك جۇرگىزۋ ونەرىن جوعارىلاتىپ، باسشىلىق ەتۋ ءتاسىلى مەن بيلىك جۇرگىزۋ ءتاسىلىن جاقسارتىپ، باسشىلىق تۇزىلىسن كەمەلدەندىرىپ، جەرگىلىكتى پارتكومداردىڭ باسشىلىق القالارىنىڭ قۇرامىنداعىلاردى تاعيىنداۋعا رەفورما جاسالعاننان كەيىنگى قىزمەت مەحانيزمىن كەمەلدەندىرىپ، ءار دارەجەلى باسشىلىق القالارىن پارتيانىڭ نازارياسىن جانە لۋشيان، باعىت - ساياساتتارىن باتىل دايەكتىلەندىرىپ، عىلىمي دامۋعا باسشىلىق ەتە بىلەتىن بەرىك باسشىلىق كوللەكتيۆى ەتىپ قۇرىپ شىعۋ كەرەك. باسشىلىق القاسىنىڭ بيلىك جۇرگىزۋ قابىلەتى قۇرىلسىن كۇشەيتۋ ارقىل بۇكىل پارتياعا ىقپال جاساپ جانە ونى ارەكەتتەندىرىپ، پارتيانىڭ بارلىق قىزمەتىنىڭ قاشان دا ءداۋىردىڭ تالابى مەن حالىقتىڭ تىلەگىنە ۇيلەسۋىنە مۇمكىندىك جاراتۋ كەرەك.
3)پارتيا ىشىندەگى دەموكراتيا قۇرىلىسن بەلسەنە ىلگەرىلەتىپ، پارتيانىڭ ىنتىماقتىلىعىن، بىرلىگىن كۇشەيتۋگە كۇش سالۋ. پارتيا ىشىندەگى دەموكراتيا ＿ پارتيانىڭ جاڭالىق جاراتۋ ومىرشەڭدىگىن ارتتىرۋدىڭ، پارتيانىڭ ىنتىماعىن، بىرلىگىن بەكەمدەۋدىڭ ماڭىزدى كەپىلى. پارتيا ىشىندەگى دەموكراتيانى كەڭەيتۋ ارقىلى حالىق دەموكراتياسىن جەتەكتەۋ، پارتيانىڭ ىشكى جاراسىمدىلىعىن ىلگەرىلەتۋ ارقىلى قوعام جاراسىمدىلىعىن جەبەۋ كەرەك. پارتيا مۇشەلەرىنىڭ نەگىزگى تۇلعالىق ورنىنا قۇرمەت ەتىپ، پارتيا مۇشەلەرىنىڭ دەموكراتيالىق ۇقىعىن قامتاماسىزداندىرىپ، پارتيا ءىسىنىڭ جاريالىعىن ىلگەرىلەتىپ، پارتيا ىشىندە دەموكراتيالىق تالقىعا ورتا جاراتۋ كەرەك.پارتيا قۇرىلتايى ءتۇزىمىن كەمەلدەندىرىپ پارتيا قۇرىلتايى ۋاكىلدەرىنىڭ مەرزىمدى مىندەت وتەۋ ءتۇزىمىن جۇرگىزۋ، ءىشنارا اۋدانداردى ( قالا، رايون) تاڭداپ، وندا پارتيا قۇرىلتايىن تۇراقتى ەتۋ ءتۇزىمىن سىناق رەتىندە جۇرگىزۋ كەرەك. پارتيانىڭ جەرگىلىكتى ءار دارەجەلى جالپى ماجىلىستەرىنىڭ، تۇراقتى كوميتەت ماجىلستەردىڭ قىزمەت مەحانيزمىن كەمەلدەندىرىپ، جالپى ءماجىلىستىڭ كەلەلى ماسەلەلەر جونىندە شەشىم جاساۋ رولىن ساۋلەلەندىرۋ كەرەك. دەموكراتيالىق ورتالىقتاندىرۋ ءتۇزىمىن قاتاڭ اتقارىپ، كوللەكتيۆ باسشىلىق ەتۋ مەن قىزمەتتى جەكەلەر ءبولىسىپ الىپ جاۋاپتى بولۋ ۇشتاستىرىلعان ءتۇزىمدى اقاۋسىزداندىرىپ، جەكەنىڭ نەمەسە از ساندى ادامداردىڭ ءوز بەتىمەن شەشىم جاساۋىنا قارسى تۇرۋ جانە ودان ساقتانۋ كەرەك. جەرگىلىكتى پارتكومدار كەلەلى ماسەلەلەر جونىندە تالقىلاپ شەشىم جاساعاندا جانە ماڭىزدى كادرلاردى تاعيىنداعاندا داۋىس بەرىپ شەشىم جاساۋ ءتۇزىمىن اتقارۋ كەرەك. ورتالىق كوميتەت ساياسى بيۋروسىنىڭ ورتالىق كوميتەتىنىڭ جالپى ماجىلىسنە، جەرگىلىكتى ءار دارەجەلى پارتكومنىڭ تۇراقتى كوميتەتتەرى كوميتەتىنىڭ جالپى ماجىلىسىنە مەرزىم بويىنشا قىزمەتتەن ەسەپ بەرۋ ءارى باقىلاۋدى قابىلداۋ ءتۇزىمىن ورناتۋ جانە اقاۋسىزداندىرۋ كەرەك. پارتيا ىشىندەگى سايلاۋ ءتۇزىمىنە رەفورما جاساپ، كانديداتتار كورسەتۋ ءتۇزىمىن جانە سايلاۋ ءادىسن جاقسارتۋ كەرەك. نەگىزگى ساتىداعى پارتيا ۇيىمدارىنىڭ باسشىلىق القا قۇرامىنا مۇشە بولاتىناردى پارتيا مۇشەلەرى، بۇقارا اشىق كورسەتۋ مەن جوعارى دارەجەلى پارتيا ۇيىمدارى كورسەتۋدى ۇشتاستىرۋ ءادىسن جالپىلاستىرىپ، نەگىزگى ساتى پارتيا ۇيىمدارىنىڭ باسشىلىق القالارىن تىكەلەي سايلاۋ كولەمىن بىرتىندەپ كەڭەيتىپ، پارتيا ىشىندەگى نەگىزگى ساتى دەموكراتياسىن كەڭەيتۋ جۇزەگە اسىرۋدىڭ كوپ ءتۇرلى فورماسىن قارستىرۋ كەرەك. پارتياداعى بارلىق جولداستار پارتيانىڭ شوعىرلى بيلىگىن باتىل قورعاۋلارى، پارتيانىڭ ساياسي تارتىپتەرىنە سانالى بويسۇنۋلارى، پارتيا ورتالىق كوميتەتىمەن قاشان دا ءبىر اۋىزدا بولۋلارى، ورتالىقتىڭ بەدەلىن باتىل قورعاۋلارى، ۇكىمەت جارلىعىنىڭ بوگەتسىزدىگىن شىنايى كەپىلدەندىرۋلەرى كەرەك.
